Bjór á fimmtudaginn?
Við stelpurnar ætlum á Áttuna í bjór eða þrjá, er ekki frá því að þetta verði fyrsti hittingurinn í svona tvo mánuði. Hvet ykkur hin til að mæta, the more the marrier 
Uuu.. Íris Mist var að setja inn gamlar myndir hérna vinstra megin í aðalvalmynd, misljótar en gaman að þeim.
Síða sem ég datt inn á og langar að deila með ykkur hinum, annars er ég líklegast seinust að uppgötva þetta... eins og með svo margt. Allavega slóðin er http://www.ovguide.com/
Svo þar sem að jólin fara að nálgast þá læt ég þetta fylgja:
Jólagjafalistinn hennar ömmu
Elskulega fjölskylda, mér datt í hug fyrir þessi jól að senda ykkur smábréf um jólagjafir. Þar sem plássið er farið að minnka hjá mér, en þið öll svo elskuleg að færa mér gjafir fyrir hver jól.
Ég biðst undan því að fá fleiri flókainniskó. Ég á orðið lager sem endist mér út ævina.
Ég vil líka segja ykkur að ég á nóg bæði af pottaleppum og svuntum.
Ég á orðið 7 flónelsmorgunsloppa úr Rúmfatalagernum, og þarf ekki fleiri í bili. Auk þess þykir mér eldrauður litur fallegri en þessi gammeldags pink kerlingarlitur.
Myndir af börnum og barnabörnum eru allt í lagi, en best er að vera ekkert að setja þær í ramma, ég vil heldur setja þær inn í albúm, þar sem allir veggir eru orðnir þaktir af myndum, svo hvergi er auður blettur.
Í Guðanna bænum ekki fleiri smástyttur, hvorki gler, keramik eða tré. Ég þurfti að setja tvo stóra fulla kassa niður í kjallara eftir síðustu jól.
Og ég er orðin svo fótafúin.
Bækur eru svo sem allt í lagi, en ég á orðið 10 biblíur, les þær reyndar aldrei, og allskonar ævisögur og heilsubækur. Ef þið viljið gefa mér bækur, þá vil ég frekar Arnald Indriða, eða Agötu Christie.
Og ég hlusta frekar á Led Zepplin og Nirvana en Hauk Mortens eða Karlakór Reykjavíkur.
Sem betur fer hef ég losnað við öll fótanuddtækin með því að gefa þau á tombólur, nema þetta eina sem ég nota undir blóm á svölunum.
Ég verð að segja eins og er, að ég hefði í staðinn fyrir þennan dýrindis lazerboystól sem þið tókuð ykkur saman og splæstuð á mig í fyrra, viljað hljómflutningsgræjur eða tölvu. Sit afar sjaldan í svona stól, því það er erfitt að standa upp úr honum. Og ég nota tölvu frekar, og þykir meira gaman að háværri rokktónlist.
Svo ætla ég að benda ykkur á að þið verðið að koma jólagjöfunum ykkar snemma til mín þetta árið, því ég hef ákveðið að skella mér til Kanarí um jólin, við ætlum nokkur saman gamlingjar og djamma og djúsa. Vonandi verðið þið stillt og góð á meðan.
Sjáumst á næsta ári,
Amma
Sólveig kveður í bili, þakka ykkur sem enn kíkja á þessa blessuðu síðu kærlega fyrir lesturinn! Veriði sæl.